COVID-19 : Nouvelle baisse des hospitalisations et du taux de positivité en Corse
Eccu i sciffri llu Covid 19, publicati ghjovi da l’ARS, è chì dani cunfirma lla calata d’iss’ultimi ghjorna.
Pà iss’ultimi 24 ori, morti in più ùn ci n’hè statu.
38 parsoni sò uspitalizati, vali à dì 4 di menu chè u nanzi ghjornu : 24 sò in Pumonti è 14 in Cismonti. 6 di quissi sò in rianimazioni, issu sciffru issendu paru à quiddu llu nanzi ghjornu.
11 virifichi sò turrati pusitivi, 1 in Pumonti è 10 in Cismonti.
A pusitività par setti ghjorna filati hè calata bè : hè falata à 2,6 %, era à 3,3 % u nanzi ghjornu.
Sur le même sujet
