Le Direct

COVID-19 : Nous sommes face à une explosion virale a dit la directrice de l'ARS de Corse, qui lance un plaidoyer pour créer un bouclier de protection des plus fragiles

« Ci pittughjemu à una splusioni virali » hà dittu sta mani a dirittrici di l’ARS. Marie-Hélène Lecenne hà lampatu una chjama, hà fattu una vera predica pà a vaccinazioni è i gesti sanitarii, postu chì l’indicazioni di a incidenza in Corsica sò più chè russi. È pudariani ancù pighjurì l’affari da quì à i festi, par casu ch’idd’ùn si faccia nudda.

A misura di ripruduzzioni llu siscu hè passata in una sittimana da 1,07 à 1,30.

Cresci cusì a prissioni à nantu à i spidala, è tandu a dirittrici di l’ARS hà dicisu d’attimpà l’attività chirurgicali, cacciati l’urgenzi o l’unculugia.

Marie-Hélène Lecenne hà dumandatu à i prufiziunali di saluta di piddà un pocu à nantu à i so vacanzi, par facilità i pussibilità di guardia o l’apartura d’unità Covid.
À quissi, li tocca à andà à nantu à a piattaforma https://renfortrh.solidarites-sante.gouv.fr par pricisà u so sustegnu.
Ci voli à metta in anda unu scudu pà a prutizzioni lli più debuli, hà dittu a dirittrici di l’ARS. Fà u so rappellu, fà una virifica innanzi à un’accolta in famidda è mantena i gesti sanitarii sò i mutora lla privinzioni. Masimu chì a terza dosa llu vaccinu viaghja contru à Omicron.

« Ùn ci voli à avvizzà si à u siscu, ci voli à cumbatta lu ! », hà dittu a dirittrici di l’ARS, chì no’ stemu à senta.