COVID-19 : Les vaccins seraient également efficaces contre le fameux variant indien selon l'Agence européenne des médicaments
Issa risposta di l’Agenza Aurupeana lli Midicini era aspittata : eccu la ghjunta issu marcuri.
I vaccini chì si ghjovani di l’ARN missaghjeri (Pfizer è Moderna) viaghjariani contru à a varianti indiana llu Covid 19.
Via una cunfarenza di stampa, Marco Cavaleri, u rispunsevuli lla stratigia vaccinali di l’Agenza, hà ancu dittu ch’iddu era uttimistu, pà a capacità di i vaccini à adenovirus (AstraZeneca/Oxford è Johnson è Johnson) à pruteghja contru à issa varianti llu siscu.
Ma pà issu particulari, s’aspettani dati in più da l’India, ind’idda hè missa à u provu una virsioni altra di l’AstraZeneca.
Eccu dunqua una bona nova, chì aspetta ben’intesa d’essa cunfirmata.
Sur le même sujet
