COVID-19 : le député Paul-André Colombani testé positif
N’hà datu cunfirma via i reti suciali : Paul-André Colombani, u diputatu « Pà a Corsica / Libertés et Territoires » lla siconda circuscrizzioni llu Pumonti si hà chjappu u Covid 19. Par quissa, hà suspesu tutti i so attività sinu à u 4 d’uttrovi, da rispittà i setti ghjorna à stà si ni à u scartu.
Par avali, dici u diputatu chì i segni lla malatia ùn sò tanti grevi par iddu. Hè à spissu cussì pà l’aienti in saluta, ma pò essa più grevu l’affari pà i parsoni indibuliti o à risichi, pricisa Paul-André Colombani.
« A sapemu, i misuri sanitarii sò à spissu custretti, è certi sò mal’capiti. Ma sò l’ultima suluzioni da pruteghja i più debuli. Pinsemu ad iddi, mittimu a mascara, ghjuvemu ci di i gesti di sicurità è di i ricumandazioni rigularmenti cumunicati » dici infini u diputatu.
