COVID-19 : Le déconfinement se fera en trois étapes en France selon le porte-parole du gouvernement
gabriel attal, u portaparolla llu guvernu francesu, hà lintatu in « Le Journal du Dimanche » calchì infurmazioni, innanzi ch’iddu parli emmanuel macron marti.
Hà spiicatu chì scunfinamentu par avali ùn ci ni saria, ma chì, pianu pianu, sariani alliniti i misuri. Dici gabriel attal chì l’affari si farà in trè volti : versu u primu di dicembri, à l’affaccà di i vacanzi di fin’d’annata è à parta si da ghjinnaghju llu 2021.
Ben’intesa, l’affari si farani « tinindu contu di l’evuluzioni sanitaria è di i risichi liati à certi attività ».
U portaparolla llu guvernu hà ripitutu ch’iddu ci vulia « à mantena u sforzu, pur’d’ùn vastà tuttu ». Hà spiicatu chì a scumissa hè di fà cambià i cundizioni llu cunfinamentu cù u middurà lla situazioni sanitaria, tinindu sempri una bedda maistria, da ch’idd’ùn ripiddi l’epidemia.
U primu mumentu, privistu u primu di dicembri, duvaria essa quiddu di a riapartura di i cumerci, cù un prutucollu sanitariu rinfurzatu.
Pà i caffè è i risturanti, inveci, ci sarani sempri i ristrizzioni, hà infini dittu u portaparolla llu gouvernu in « Le Journal du Dimanche ».
Sur le même sujet
