Covid-19 : le cap des 700 000 morts a été dépassé dans le monde
Marcuri, si n’hè ghjuntu à cuntà 700 000 morti parvia llu Covid 19 in u mondu.
L’ultimi statistichi contani 6 000 morti in media à ghjornu, vali à dì 247 morti à ugni ora.
I punti principali lla cuntaminazioni si trovani par avali in i Stati Uniti, in i Caraibi è in America Latina.
À senta i sperti, inchieta à veru issa crescita lla cuntaminazioni, masimu ch’in certi paesa chì ùn ani i mezi d’una vistichera stesa, i sciffri uttinuti pudariani essa da suttu à a rialità llu tarrenu.
In francia, u Cunsigliu Scintificu dici ch’idd’hè alta avali a prubabilità d’una ripresa, d’una siconda mani llu siscu. Ben’ch’idda sichi par avali cuntrullata, a situazioni hè dilicata. Prova si n’hè, i casi pusitivi crescini ugni ghjornu, com’iddu cresci dinò u numaru di i parsoni in rianimazioni.
Pà u Cunsigliu Scintificu, issa crescita currispondi à « i muvimenti di i pupulazioni liati à i vacanzi » è à « una perdita, pocu à pocu, di i gesti lla sicurità sanitaria, di l’usu di a mascara è di u scartu fisicu, masimu ind’è i più ghjovani ».
