COVID-19 : la Corse repasse en plan blanc, situation inquiétante en Corse-du-Sud selon l'ARS
In prima sirata, l’ARS hà fattu sapè ch’iddu era ripresu u pianu biancu, pà i spidala di Corsica.
I sciffri di a incidenza, à 153, sò da suttu à a media naziunali. Ma sò cuddati di 28 % in Pumonti, è sò crisiciuti dinò in certi loca in Cismonti.
Cù a crescita d’issi sciffri, si sò multiplicati l’uspitalisazioni, masimu in Pumonti.
Dici l’ARS chì « una bedda crescita di l’uspitalisazioni ci hè ancu in i sirvizia cunvinziunali è di curi critichi à u spidali d’Aiacciu. Tandu tocca à allargà i capacità di u spidali ».
Hè dunqua in Pumonti chì u pianu biancu hè rinfurzatu di più : cù a mubilisazioni di i risorzi umani ch’iddu dumanda u Covid, devini essa missi in anda diprugramazioni adatti. Ma ci vurrà ch’idda sichi assicurata pà u meddu a presa in carica di quiddi chì t’ani bisognu d’essa trattati in urgenza, quiddi trattati pà un cancaru, pà una malatia cronica, o quiddi chì aspettani trapiantu ».
In quant’à u spidali di Bastia, pudarà riceva parsoni tocchi da u Covid ghjunti da u spidali d’Aiacciu.
Sur le même sujet
