COVID-19 - Fermeture des centres commerciaux non alimentaires de plus de 20 000 m² en Corse-du-Sud
Avia dittu u prifettu chì i gran’ magazena ùn chjudariani, in Corsica ma…. In un cumunicatu publicatu sta sera, a prifittura dici chì u dicretu di u 31 di ghjinnaghju teni contu, in i spazia lla stesa cumirciali, di l’attelli è di i riservi.
In principiu di sittimana, ci sò stati i discussioni cù i rispunsevuli lli centri cumirciali, da sapè qualissi d’issi loca sariani tocchi da issa misura.
Trè di quissi francani i 20 000m² in Pumonti.
- U centru cumirciali Atrium
- U centru cumiriciali Leclerc Grand Ajaccio , in Balioni
- U centru cumirciali Géant La Rocade, in Aiacciu.
In cunsiquenza, si hè dumandatu à i rispunsevuli di chjuda i magazena cuncirnati à parta si da u 3 di frivaghju. I cumerci alimintarii lli centra cumiriciali starani aparti, è quissa vali pà i supermarcati o i magazena alimintarii spicializati.
I cumerci chjusi ùn pudarani fà u click and collect, nè ritiru supr’à locu di i cumandi. Ùn li firmarà chè a pussibilità di a rimissa di i so prudutti.
