COVID-19 : deux patients en soins critiques transférés de Bastia vers la Bretagne devant le manque de place
Parvia di i difficultà à pittughjà si à u Covid19 in Corsica, ci hè statu bisognu di fà trasfirimenti sanitarii.
Dici l’ARS chì « issendu strapieni i rianimazioni di i dui spidala isulani – masimu quiddi di Bastia, ind’idd’ùn ferma mancu un lettu ad oghji – dui parsoni sò stati trasfiriti da Bastia Purreta, via EVASAN, à l’aeruportu di Brest.
Sò dui omini, di 45 è 63 anni, chì si patini una forma greva lla malatia.
Un duttori è dui infirmieri ani accumpagnatu issi malati in avviò.
Ghjunti in Brittagna, unu hè statu presu in contu à u spidali di Morlaix, è l’altru à quiddu di Brest.
Issi trasfirimenti si sò pussuti fà cù a cullaburazioni di l’ARS di Corsica è quidda di Brittagna, di u SAMU 29 è 2B, è di i squadri midicali di i stabilimenta di partenza è di ghjunta.
Issi trasfirimenti viaghjani cù u Pianu Biancu Righjunali, è permettini di caccià un pocu di prissioni à i sirvizia di rianimazioni righjunali ».
