Le Direct

COVID-19 : contaminations et hospitalisations en baisse en Corse

Marcuri, l’ARS hà fattu u so solitu puntu, par ciò chì tocca à u Covid 19.

A calata cuntinuvighja è accillarighja, ancu.

A sittimana passata, sò stati 884 i casi, cù un’incidenza di 256 par 100 000 abitanti. A calata, da una sittimana à l’altra, hè stata di 29 %.

A pusitività, à 14,9 %, hè calata di 2,7 punti.

I spidala, pianu pianu, si viotani. Fermani 84 parsoni uspitalizati, quattru di quissi issendu in rianimazioni.