COVID-19 : 3e dose pour tous, renforcement du pass sanitaire et retour du masque, les annonces d'Olivier Véran
olivier véran, u ministru francesu lla saluta, hà fattu in meza ghjurnata a so cunfarenza di stampa, da annuncià i misuri presi di pettu à a ripresa llu Covid 19 chì curri oghji pà iss’Auropa.
« Senza a vaccinazioni, sariami aghjà tutti cunfinati, suntunati da un varianti Delta monda più cuntaghjosu chè u siscu d’urigina », hà dittu u riprisintenti llu guvernu.
A incidenza, chì hè à 48 à liveddu mundiali, hè cuddata à 240.
I vaccini viaghjani bè, ma com’idda cala l’immunità dopu à calchì mesi, hè nicissaria di fà un rappellu.
Quissu hè oramai apartu à tutti, tocchi i 18 anni, è passati cinqui mesa dopu à a siconda inghjizzioni.
Steti à senta à olivier véran.
Po’ hà parlatu, u ministru, di rinfurzà u Pass sanitariu, chì ùn viaghjarà più s’iddu ùn hè fattu u rappellu.
In quantu à i virifichi antigenichi è PCR chì valini Pass sanitariu, tinarani oramai 24 ori inveci di 72. Vali à dì chì senza vaccinu, ci vurrà una virifica à ghjornu par mantena u Pass.
Un Pass chì sarà nicissariu pà avvinghja i Marcati di Natali.
Steti à senta, un’altra volta, à olivier véran.
Sur le même sujet
