COVID-19 : 30 jeunes et 3 encadrants testés positifs dans une colonie de vacances à Sagone
In un cumunicatu, a prifittura lla Corsica dici ch’iddi sò stati scelti 30 casi pusitivi à u Covid, in una culunia di vacanzi in Sagona : si tratta chivi di zitiddoni – da 12 à 15 anni – è di i so rispunsevuli.
Unu di i ghjuvanotti, chì t’avia i sintumi, hè statu cuntrullatu pusitivu. Tandu, l’ARS hà fattu fà virifichi par tuttu u gruppu : 30 ghjovani è 3 rispunsevuli erani tocchi ancu iddi.
Dici a prifittura chì tutti quiddi lla culunia sò stati mantinuti supr’à locu, spicchendu i parsoni pusitivi è quiddi nigativi. À quissi chivi, d’altrondi, li si farà un’altra virifica à l’entra lla sittimana.
Hè l’urganizatori lla culunia chì hè incaricatu di mantena u cuntattu cù i famiddi.
U cumunicatu lla prifittura dici chì i ghjuvanotti è i rispunsevuli d’issu gruppu t’avaiani tutti un pass sanitariu à a so ghjunta in Corsica, u 9 di luddu.
Parvia di a circulazioni llu siscu in Corsica, i rispunsevuli llu camping poni prufittà d’un’ufferta di virifica supr’à locu, assicurata da a prutizzioni civili lla Corsica.
Sur le même sujet
