COVID-19 : 12 nouveaux décès en Corse, le taux d’incidence diminue légèrement, beaucoup moins que le taux de dépistage
Issu ghjovi, u 3 di frivaghju, l’ARS hà fattu u so puntu sittimanali pà u Covid 19.
A incidenza calaria à pena, à pettu à a sittimana passata. Ma pricisa l’ARS ch’iddi sò calati bè i visticheri. Di fatti, a circulazioni llu siscu saria sempri alta.
A pusitività crisciaria par ugni età. L’uspitalisazioni sò calati bè, ma i missi in rianimazioni sò à pena di più chè a sittimana passata.
Trà u 24 è u 30 di ghjinnaghju, 8 618 parsoni sò turrati pusitivi. Sò in media
1 231 casi à ghjornu. A calata hè di 7 %, à pettu à a sittimana passata.
Par disgrazia, 12 parsoni si ni sò morti, com’è a sittimana passata.
86 parsoni sò uspitalizati, è t’ani in media 73 anni. 15 sò in rianimazioni, chì t’ani in media 63 anni.
À senta ni à l’ARS, 82 % di l’aienti uspitalizati ùn sò vaccinati, o ùn ani avutu u so rappellu. Sò quant’è a sittimana passata.
75,6 % di i parsoni di più di 12 anni sò integralmenti vaccinati. 52,2 % ani avutu u so rappellu.
431 parsoni ani avutu a so prima dosa di vaccinu. U sciffru cala, à pettu à quiddu lla sittimana passata.
Sur le même sujet
