COVID-19 : 115 patients sont désormais hospitalisés en Corse, des courbes toujours en hausse
Com’è ugni marti, l’ARS hà fattu un puntu, par ciò chì tocca à a situazioni epidemica in Corsica.
Innanzi tuttu, hà ramintatu chì di pettu à Omicron, chì si sparghji monda di più, ci hè u risicu à veru à ùn fà u rappellu llu vaccinu, o à aspittà ni una nova virsioni.
Parichji scintifichi dicini chì dui dosi ùn bastani par luttà contru à issu varienti novu, ma ci sò i studii chì musciariani chì a terza dosa d’un vaccinu à ARN missaghjeri (Pfizer o Moderna) pruteghji à 90 % contru à i formi gravi llu Covid.
In Corsica, a incidenza hè à 646 par 100 000 abitanti. In media, affaccani 318 casi à ghjornu.
A incidenza cresci di 6 % ind’è i 15-19 anni, è di 19 % ind’è i 20-39 anni.
Ind’è i 40-64 anni, pari stabilizata, chì cala di 1 %.
Hè listessi par quiddi chì t’ani più di 65 anni, chì a so incidenza hè calata di 3 %, à pettu à a sittimana scursa.
Par disgrazia, si ni sò morti dinò 7 parsoni
49 parsoni in più sò stati uspitalizati issa sittimana, è 17 parsoni in più sò stati missi in rianimazioni.
À senta ni à l’ARS, 100 % di quiddi chì sò in rianimazioni ùn sò vaccinati, o ùn ani cumplittatu a so vaccinazioni.
