Coupe d'Europe CEV : le GFCA veut terminer le boulot à Amriswil
U GFC Aiacciu Volley si ni movi marcuri à sera in Svizzara, pà u sicondu scontru contru à Amriswil, in Cuppa d’Auropa CEV. Dopu ad avè vintu u primu trè mani à zeru, li tocca, à l’omini di Frédéric Ferrandez, à assicurà u risultatu da qualificà si pà u prossimu ghjiru. L’affari sarà fattu, ben’intesa, in casu di vittoria, è bastaria ancu pà l’aiaccini à vincia dui mani. Ma ancu puri issendu favuriti, i Diavuli Russi ùn devini perda u so filu, chì a squadra svizzara ùn hè ancu à perda, quist’annu, in u so campiunatu.
U scontru cumencia à sett’ori.
