Le Direct

Coup d'envoi du 1er Corsica Tennis Open ce samedi

(A redazzioni d'Alta Frequenza) - U 1u Corsica Tennis Open, ghjostra cuntendu pà u circuitu di l'International Tennis Federation (ITF) principia oghji (sabatu), in Aiacciu, pà tena si fin'è a dumenica u 22 d'aprili .Si tratta in fatti di i primi internaziunali di Corsica di Tennis, cuntendu pà a classifica ATP, una vera ghjostra prufessiunali chì upponarà ghjucadori ghjunti da u mondu sanu. Sarani 56 ghjucadori, classificati trà u 150u è a 500u postu mundiali, à participà à iss'avenimentu. Accunciamenti sò stati nicissarii da appruntà l'aghji di ghjocu, è frà altru un tarrenu "cintrali" di una capacità di più di 1000 piazzi. Issi primi internaziunali di Corsica sò dunqua un avenimentu spurtivu di prima trinca, sustinuti da i cullettività isulani, in parternariatu cù Alta Frequenza. Avaremi l'uccasioni di riparlà ni nant'à i nostri ondi, tutta a settimana chì veni.