Corsicapolar se tient jusqu’à ce soir à Ajaccio
Sabbatu à sett’ori, pà a siconda ghjurnata llu campiunatu di siconda divisioni, u SC Bastia si ni movi à ghjucà in Niort.
Dopu à un attaccu di staghjoni faltatu in casa, contru à Laval, i bastiacci ani par missioni di ripiddà si, contru à issa squadra chì hà attaccatu a so staghjoni cù una vittoria for’di casa.
Certi ghjucadori, d’altrondi, sò stati visti parsunalmenti, da circà à capì ciò chì ùn era viaghjatu contru à Laval.
Par ciò chì tocca à u gruppu, Guidi, suspesu, hè rimpiazzatu da Roncaglia.
Steti à senta à Régis Brouard, l’addistradori bastiacciu.
Sabbatu, à nantu à a Piazza di l’Olmu in Aiaicciu, si finisci u salonu Corsica Polar, ind’idd’erani prisenti 21 autori, di Corsica o d’altrù. Ci si hè pussutu parlà, à issu salonu, cù tanti i littori, è scopra ancu issi famosi polar chì oramai, u so publicu l’ani, in Corsica.
Steti à senta à Bernard Bouquet, u prisidenti di Corsicapolar
