Corsica Libera réaffirme ses fondamentaux en assemblée générale
(A redazzioni d'Alta Frequenza) - Ssa dumenica, i militanti di Corsica Libera erani aduniti in assemblea generali in Corti. L'uccasioni pà u muvimentu di fà u puntu nant'à a so pusizioni pulitica è di falla cunoscia torna, in un cuntestu di rilazioni di più in più difficiuli cù u guvernu, mentri chì l'esecutivu rinnuvatu duvaria essa cunisciutu da quì à un mesi. Di fatti, si dici sempri prontu à a mubilisazioni pà difenda u populu corsu è i so diritti, è soprattuttu, incalca bè nant'à u scopu à longu andà chì ferma l'indipindenza, postu chì l'autunumia hè solu un passu. Mubilisazioni chì pudarani avè parechji formi. Dinò, Corsica Libera hà insistutu nant'à u bisognu d'una rilazioni trasparenti è equilibrata cù i so partinarii di Femu a Corsica nentru à Pè a Corsica, ancu s'ella hè bona quantunqua par avà.
Steti à senta à Eric Simoni pà Corsica Libera.
