Le Direct

Corsica Libera occupe les locaux d’Erilia et dénonce une politique « d’apartheid » à l'égard des Corses

Sta mani, ghjovi, Corsica Libara accupa di manera simbolica i lucala d’Erilia in Aiacciu, da fà cunnoscia u casu di u militanti Jean-Paul Micheli, chì appighjunighja un appartamentu gistitu da issu gruppu. Hè oghji minacciatu d’essa lampatu fora.
« Iss’Aiaccinu paga rigularmenti a so pighjoni. Sò uni pochi d’anni ch’idd’hè toccu da un’infirmità greva. U so unicu tortu hè di fà staziunà a so vitturetta, chì l’aiuta in a so situazioni, in u curridori cumunu di fora, chì piazza in drintu ùn ci n’hè ».
A dirizzioni d’Erilia l’hà minacciatu via un usceri, è hà avviatu una prucidura par metta lu fora, parvia di u « non rispettu di u rigulamentu internu ».
Corsica Libara dici chì affari com’è quissi, ùn n’accetta.
Dumanda à a dirizzioni d’Erilia d’ùn fà una duppia pulitica, di tullarenza pà certi, è d’una sivirità ch’ùn si pò ghjustificà pà i pighjunanti corsi ».
Corsica Libara rimpruvarighja chivi una pulitica « d’apartheid » ch’idd’ùn conta accittà.
Intarvisti è riazzioni à vena da quì à pocu.