Corsica Libera dénonce une volonté de l'État de vouloir entraver la bonne marche d'un parti politique
Dopu ch’iddi sichini stati missi in asaminu setti militanti di Corsica Libara – in u quadru d’un cartulari antitarruristu – è chì Carulu Pieri sichi u solu di quissi à essa statu missu in ditinzioni pruvisoria, hà riagitu, issu marti, u partitu naziunalistu.
Corsica Libara ci vidi una vulintà di nocia, cù falsi mutivi, à un partitu puliticu, u solu à avè una critica ferma di i niguziati trà a Corsica è parigi.
Di fatti, in i guardii à vista di 96 ori, si hè parlatu pà u più, à senta ni à Corsica Libara, di u funziunamentu di u partitu naziunalistu.
Dinuncendu a pulitica di u statu chì circa a divisioni di u muvimentu naziunali, Corsica Libara hà ancu parlatu di u silenziu di Femu a Corsica, dopu à issi missi in asaminu. Eppuri, malgradu i danni lugistichi liati à a missa in asaminu di trè membri di u so cunsigliu, dici Corsica Libara ch’idd’ùn hà da essa impiditu di funziunà, u partitu.
Steti à senta à Petru Antonu Tomasi, u portaparolla naziunali di Corsica Libara
U cullittivu Patriotti, prisenti ancu iddu, dinuncia a vulintà ch’iddu t’hà u statu di fà pighjurì a situazioni, da culandi bè à issu cartulari chivi. Cusì, dici Patriotti chì i riquisizioni contru à l’anziani prighjuneri, in i prucessi liati à u ricusu di u FIJAIT, si sò fatti più duri.
Steti à senta à Ghjuvan’Filippu Antolini, u portaparolla di Patriotti
