Corsica Libera absent dans l'hémicycle pour la réception d'Emmanuel Macron : le mouvement explique pourquoi
Un cumunicatu di Corsica Libara hè ghjuntu in a noscia ridazzioni issa matinata, quand’idda cuminciaia a sissioni di l’assemblea di Corsica in prisenza d’emmanuel macron.
« Senza pussibilità di scambiu è di presa di parolla, l’eletti di l’assemblea sò cunvucati ind’ed iddi, sta mani, da essa i spittatori di u discorsu llu prisidenti lla ripublica francesa è basta ! », dici u muvimentu indipindintistu.
« Issu discorsu, d’altrondi, hè statu annunciatu dirittamenti da l’Eliseu, dendu cunfirma di i strisgi (turchini bianchi è) russi chì, fatta fini, scacciani a presa in contu di l’essenza di u cumbattu naziunali è di i brami spressi dimucraticamenti è in cuntinivu da u populu corsu chì sò parichji anni ad avali », spieca Corsica Libara dindu chì « parigi cunsidarighja a ricunniscenza di u Populu Corsu, a cuufficialità di a noscia lingua, u statutu di risidenti è a cursisazioni di i impieca com’è tanti rivindicazioni posti in fora di u so quadru ripublicanu ».
Parlendu d’una mancanza pulitica chì « cundanna capinanzi u prucessu di risuluzioni pulitica », Corsica Libara hà dittu chì Josepha Giacometti-Piredda, l’eletta di u muvimentu à l’assemblea corsa, ùn andaria à stà à senta u monologu d’emmanuel macron.
Sur le même sujet
