Le Direct

Corse, Terre de Progrès : la liste de Jean-Charles Orsucci pour les Territoriales

Corse, Terre de Progrès : eccu u nomu lla lista ch’iddu hà prisintatu ufficialmenti Jean-Charles Orsucci sabbatu.

Una lista chì si hè fatta cù difficultà chì, à senta ni u merri di Bonifaziu, certi s’erani impignati à metta li l’inciampi, da impidì a so candidatura.
Ma issi provi di distabilisazioni ùn l’ani po’ mancu stampa scuraghjitu, dici Jean-Charles Orsucci.

U cunsiglieri tarrituriali vurria purtà un prughjettu suciali, impinsiritu bè di u cutidianu.

Puri ch’idda ùn achi invistitura ufficiali, a lista hè sustinuta da LREM, è voli apra si à i radicali è forzi di manca chì, à senta ni à Jean-Charles Orsucci, ùn ci voli à sbaglià si d’alizzioni : ùn si tratta chivi d’una prisidinziali.

U merri di Bonifaziu dici ch’iddu hè sustinutu, trà altri parsoni, da Jean-Sébastien de Casalta.

Stemu a senta Jean-Charles Orsucci.