Le Direct

Corse-du-Sud : aux orages et à la pluie s'ajoutent le vent fort et la neige

(A redazzioni d'Alta Frequenza) - L'episodiu di gattivu tempu chì tocca a Corsica Suttana cuntinueghja tutta a dumenicata. Acquati sò aspittati nant'à u latu à punenti è inde l'internu di u dipartimentu. U ventu di settori à punenti è à meziornu punenti diventa più forti issu dopu meziornu (sabbatu) nant'à tuttu a costa uccidintali, u meziornu stremu è i cresti, cù vitezzi di 60 chilometru par ora in mezana è buffulati da 80 à 100 chilometri par ora. Ind'a nuttata, issi valori s'ani da rinfurzà pà cullà à 100 finè 120 chilometri par ora in buffulata. Marosuli da 4 à 6 metri sò aspittati ind'a mità di a notti è fin'è dumani (dumenica) ind'a matinata, tucchendu particularmenti a sponda à meziornu di u golfu d'Aiacciu (da a piaghja d'Agosta fin'è Capu di Muru) è u Liamoni (Sagone). Dumani, a limita acquata nevi fala da 1200 à 800 metri u dopu meziornu, cù furmazioni pussibuli di quantità di cotru, frà altru nant'à u latu à punenti di i monti (Evisa, Bocca di Verghju, Bucugnà, Altu Taravu, Bocca di Vizzavona). Da nutà chì a circulazioni hè taghjata par via di falati di petri nant'à u CD 3 trà Tolla è Ocana. Di pettu à issi cundizioni meteurulogichi pessimi, a più grandi prudenza è una vigilenza particulari sò racumandati pà i spiazzamenti. Qualsiasi attività nautica, i spassighjati nant'à u litturali, è l'attività di natura in muntagna sò più cà scunsighjati.