Corse: décès d'un kayakiste
(A redazzioni d'Alta Frequenza) - C'hè statu un drama ssu dopu meziornu (vennari) in Corsica Suttana. Un omu chì facia u kayak hè mortu ind'u fiumi di Guagnu. L'omu, di naziunalità taliana, hè statu presu ind'un sifoni ind'un passaghju difficiuli. Malgradu l'intarvinzioni di parechji mezi, a vittima hè morta. Facia u kayak in fiumi nentru à un gruppu d'8 parsoni. I succorsi ani mandatu sopralocu dui elicotteri, dui ambulanzi, unità di gendarmeria è succorsi muntagnoli pà pruvà à salvà u kayakistu, ma in vanu.
Sur le même sujet
