Corse dans la constitution : Avis favorable du Conseil d'Etat
(A ridazzioni d'Alta Frequenza) - Sabbatu, u cunsigliu di statu hà datu u so avvisu par ciò chì tocca à u prughjettu di legi custituziunali. Issu prughjettu hè quiddu ind’iddu si trova u famosu articulu 72-5, quiddu chì mintuvighja a Corsica è i so spicificità in a custituzioni. Issi novi dispusizioni purghjariani pussibilità più stesi da sfarinzià si, ancu puri in l’arghja fiscali, à senta u cunsigliu di statu. Ma iss’adattazioni ùn devini metta in piriculu u principiu d’igualità trà i parsoni, nè metta in causa i cundizioni maiori d’eserciziu d’una libartà publica o d’un drittu assicuratu da a custituzioni. L’abilitazioni lla cullittività di Corsica parini dunqua limitati, postu ch’iddu pricisa u cunsigliu di statu chì « u prughjettu...scanta l’abilitazioni in i duminii chì sò di a cumpitenza di u statu, di i cumuni o di i so accolti ».
