Coronavirus : un traitement efficace à la chloroquine aurait-il été élaboré à Marseille ?
À senta à france 3 Alpes Côte d’Azur, u prufissori Raoult, di l’istitutu uspitalieri univirsitariu di Marseglia, avaria trovu un trattamentu chì viaghja bè contru à u coronavirus. Hà dittu chì i parsoni chì sò stati trattati cù a cluruchina sò par variscia, dopu à sei ghjorna à pena.
Ci saria dunqua una vera spiranza cù issu trattamentu chì pari affaccà si. In una videò, dici u prufissori ch’idd’hè statu prupostu à 24 vulintarii tocchi da u siscu.
« Si hè rimarcatu chì quiddi ch’ùn aviani presu u Plaquenil t’aviani sempri u siscu, inveci ch’ind’è quiddi à avè lu presu, dopu à sei ghjorna, ùn erani più chè 25 % à avè lu ».
Pricisa france 3 chì, ben’intesa, u prufissori Raoult t’avia l’accunsentu di l’auturità sanitarii par pruvà issu trattamentu cù a cluruchina.
