Coronavirus : un nouveau décès et neuf cas supplémentaires en Corse
Eccu i statistichi di l’ARS d’issu vennari, par ciò chì tocca à u coronavirus.
Ni semu oghji à 369 parsoni cuntati pusitivi da i spidala di Corsica.
291 sò in Pumonti, 78 in Cismonti, è casi novi ùn ci n’hè.
Dapoi u 23 di marzu, par 3476 provi fatti, 206 parsoni sò stati cuntati pusitivi in i lavuratorii di i cità.
Aghjustendu tuttu, si ni ghjunghji à 575 parsoni cuntati pusitivi à u Covid19.
64 parsoni sò sempri à u spidali. 50 sò in Aiacciu, 12 di quissi issendu in rianimazioni. 14 sò in Bastia, è 2 di quissi sò in rianimazioni.
Par disgrazia, un’altra parsona si n’hè morta, un risidenti d’un EHPAD purtatu à u spidali in Aiacciu.
Sò 51 i parsoni à essa si ni morti da u siscu ad oghji, 44 in i spidala è 7 in l’EHPAD.
4 di i parsoni morti in i spidala viniani da un EHPAD.
In cinqui d’issi EHPAD, ghjustamenti, 64 parsoni sariani tocchi, ma chì sò dighjà cuntabilizati da i spidala o i lavuratorii.
Sur le même sujet
