Coronavirus : un nouveau décès à Ajaccio, dix nouveaux cas en Corse, baisse significative des hospitalisations
Da quand’idd’hè affaccatu u siscu, 360 parsoni sò stati cuntati pusitivi in i spidala. 272 sò in Pumonti, vali à dì dui di più chè arimani, è 78 sò in Cismonti, ind’idd’ùn hè cambiata a situazioni.
Dapoi u 23 di marzu, sò stati virificati 2476 parsoni in i lavuratorii di i cità, è trà quissi 170 sò stati cuntati pusitivi.
Aghjustendu tuttu, sò 530 i casi pusitivi.
66 parsoni sò uspitalizati, vali à dì 15 di menu chè un ghjornu fà.
60 sò in Aiacciu, è 14 di quissi sò in rianimazioni. 6 sò in Bastia, è una d’issi parsoni hè in rianimazioni.
In Aiacciu, da u principiu lla sittimana, hè calatu u numaru di i parsoni in rianimazioni. In Bastia, in 24 ori, a calata di i parsoni uspitalizati hè stata di 40 %. Una donna d’uttantott’anni si n’hè morta à u spidali d’Aiacciu. Sò oramai 43 i parsoni à essa si ni morti da quand’idd’hè cumencia a crisa. 37 sò morti in i spidala è 6 in l’EHPAD.
In cinqui di l’EHPAD di Corsica, sò tocchi o suspetti d’essa tocchi 37 parsoni, vali à dì trè di più chè arimani.
