Coronavirus : trois nouveaux décès en Corse, regain d'hospitalisations à Bastia et forte augmentation des cas en EHPAD
Eccu i statistichi llu coronavirus d’issu marcuri ch’idd’hà cumunicatu l’ARS.
Da quand’idd’hè cumencia a crisa, 365 parsoni sò stati cuntati pusitivi in i spidala. Com’è arimani, sò 287 in Pumonti è 78 in Cismonti.
In Cismonti, 36 provi sò turrati nigativi, è 16 in Pumonti.
Dipoi u 23 di marzu, par 3003 provi fatti, 190 parsoni sò stati cuntati pusitivi in i lavuratorii di i cità.
68 parsoni sò uspitalizati. 53 sò in Aiacciu, è 15 di quissi sò in rianimazioni, l’affari calendu un pocu.
15 parsoni sò uspitalizati in Bastia, una di quissi issendu in rianimazioni.
Par disgrazia, trè altri parsoni sò morti in i spidala, 2 in Bastia è 1 in Aiacciu.
Da quand’idd’hè cumencia l’epidemia, si ni sò morti 50 parsoni, 43 in i spidala è 7 in l’EHPAD. Hè da nutà chì 3 di issi parsoni erani stati purtati da l’EHPAD à i spidala.
Cinqui EHPAD di Corsica contani 61 parsoni tocchi, ma chì c’entrini dighjà in i sciffri di i spidala o di i lavuratorii.