Coronavirus : trois décès supplémentaires en Corse-du-Sud, quinze nouveaux cas en Corse
L’ARS lla Corsica hà dattu i so statistichi pà u coronavirus, passata a duminicata di Pasqua.
Da quand’idd’hè affaccatu u siscu, 365 parsoni sò stati cuntati pusitivi in i spidala. 287 sò in Pumonti, vali à dì 5 di più chè vennari, è 78 sò in Cismonti, ind’idd’ùn hè cambiata a situazioni.
Volini dì issi sciffri ch’in Pumonti, à nantu à 25 parsoni virificati, 5 erani pusitivi. In Cismonti, si n’hè virificatu 37, è casi pusitivi ùn ci n’hè statu.
Dapoi u 23 di marzu, sò stati virificati 2676 parsoni in i lavuratorii di i cità, è trà quissi 180 sò stati cuntati pusitivi.
Aghjustendu tuttu, sò 545 i casi pusitivi.
62 parsoni sò uspitalizati ad oghji. 58 sò in Aiacciu, è quindici di quissi sò in rianimazioni. 4 sò in Bastia, è culandi in rianimazioni ùn ci n’hè.
Par disgrazia, trè parsoni si ni sò morti à u spidali d’Aiacciu dipoi vennari à sera : dui omini di 71 è 82 anni, è una donna di 85 anni.
Da quand’idd’hè cumencia issa crisa, 46 parsoni si ni sò morti : 40 in i spidala è 6 in l’EHPAD.
Cinqui di i 28 EHPAD di Corsica ani allistinatu 44 casi veri o suspetti, vali à dì setti di più dipoi vennari. Issi casi sò aghjà cuntati in i sciffri di i spidala o di i lavuratorii.
Sur le même sujet
