Coronavirus : reunion demain en Préfecture de Corse
(A ridazzioni d'Alta Frequenza) - In fin’di ghjurnata, u ministru lla saluta hà fattu una cunfarenza di stampa par parlà di u coronavirus.
« A situazioni internaziunali hè cambiarina, masimu in Italia (…). In francia, l’affari hè stabbuli, cù una parsona à u spidali chì duvaria sorta da quì à pocu. È novi casi, ùn ci n’hè », hà dittu Olivier Véran.
Oramai, sò 149 i casi in Italia, è trè parsoni sò morti. Quissi erani parsoni anziani, tocchi da altri patulugii.
Parvia di a vicinanza cù l’Italia, nascini uni pochi d’intarrugazioni in Corsica. À l’imbarcà di i navi lla Corsica Ferries, ùn ci n’hè par avali cuntrolli spicifichi, ed hè ghjustu missu in opara u rigulamentu marittimu internaziunali.
In quantu à a Cullittività di Corsica, dici Gilles Simeoni ch’iddu hà dumandatu à u ministru di a saluta è à l’ARS di piddà i misuri nicissarii, è di cumunicà publicamenti à issu sughjettu.
A prifittura lla Corsica faci sapè sta sera ch’idd’hè privista una riunioni par dumani. Avarà par scopu di pricisà « l’appiicazioni in Corsica di i misuri dicisi da u guvernu »