Coronavirus : quasi-stabilité ce dimanche en Corse
Par ciò chì tocca à l’epidemia di u Coronavirus, pari essa stata più calma issa duminicata in Corsica.
In Aiacciu, ùn sò chè dui casi di più dipoi sabbatu, pà un tutali di 267 virificati in i spidala. S’iddi s’aghjustani i 77 virificati in Bastia è i 13 di l’EHPAD, sò stati cuntabilizati 357 casi in Corsica dapoi u principiu lla crisa.
In Cismonti, si passa da 19 à 17 parsoni uspitalizati, è 3 di quissi sò in rianimazioni.
In Aiacciu, 78 parsoni sò uspitalizati, è trà quissi 23 sò in rianimazioni. 113 parsoni sò vultati in casa da quand’idd’hè cumencia a crisa.
Sur le même sujet
