Coronavirus : le président de la République Emmanuel Macron annonce un confinement jusqu'au 11 mai
Photo facebook Emmanuel Macron
Luni sera, u prisidenti francesu Macron hà parlatu à a telè.
Hà dittu ch’iddu si stinzaria u cunfinamentu sinu à l’undici di maghju, à u minimu. Ùn hè una surpresa, chì ùn ci hè nudda di sicuru di pettu à issu siscu.
Toccu l’undici di maghju, ghjustamenti, ugni parsona chì prisintaria calchì segnu di a malatia pudarà virificà s’idd’hè tocca o micca, è ugnunu si pudarà buscà una mascara.
U prisidenti francesu hà fattu neci di ricunnoscia mancanzi è dibbulezzi, dindu ch’idd’era « com’è in ugni paesu llu mondu ». N’hà quantunca ricunnisciutu una bedda catalugata : mascari, guanti, suprascusali, matiriala midicali, dibbulezza lugistica…
Hà dittu ch’in i trè sittimani à vena, a fabricazioni lli mascari in francia saria multiplicata par cinqui.
Emannuel macron hà difesu ciò ch’iddu pratendi essa riesciti, vali à dì un duppiamentu di i letta in rianimazioni, o ancu u travaddu cumunu trà spidala è clinichi.
Hà dittu dinò ch’iddi sariani allibbiiti i carichi, è chì misuri spicifichi sariani presi pà u turismu, a risturazioni, o a cultura.
I ciucciaghji, i scoli, i culleghja è i licea duvariani apra pocu à pocu finitu u cunfinamentu, cù reguli spiciali à metta in anda. Inveci, è senza ch’idda si capisca quissa a logica, i caffè, risturanti, sinemà è sali di spittacula aspittarani di più innanzi d’apra. In quantu à i fistivali, ùn ci ni sarà sinu à mezu luddu.
Sur le même sujet
