Coronavirus : la Madunnuccia maintenue à Aiacciu, mais avec des aménagements
Com’idd’era privista, u vescu hà scuntratu u merri d’Aiacciu è u prifettu, par parlà di a festa di a Madunuchja, in issi tempa d’epidemia.
Eccu ciò ch’idd’hè statu dicisu : u 17 di marzu à sera, u ritrovu si farà Piazza di l’Olmu (O Piazza Foch, sè vo’ vuleti), è micca davanti à u Domu.
Marcuri u 18, a missa sarà ditta à 4 ori piazza di l’Olmu, sempri. Dopu à a missa, una prucissioni accurtata si finisciarà davanti à u Domu.
U vescu dumanda à l’Aiaccini di « fà com’è l’Anziani chì, in una circustanza cumpagna, ani fattu cunfidenza à a intarcissioni lla Verghjini Maria ».
Ma a prighera, hà dittu u vescu, ùn ci sfranca d’essa attenti.
In Bastia, i fistività di a San’Ghjiseppu, urganizati da l’arcicunfraternita, sò stati attimpati. Si duvariani fà u primu di maghju.
Stemu à senta à Munsignori de Germay, u vescu d’Aiacciu pà a Corsica.
