Coronavirus : l'OMS met en garde contre une résurgence du coronavirus
Ci sarà di chì tema un vultà di u coronavirus ? Cumencia à punghja issa quistioni, dipoi a missa in vardia di l’OMS.
U pinseri ci hè, masimu chì centu casi novi cuntati in China issi pochi ghjorna ani custrettu a cità di Pecchinu à chjuda una trintina di zoni risidinziali. I marcata ind’idd’hè statu trovu u siscu sò stati missi in quarantana, è parichji millai di parsoni sò turrati à essa cunfinati.
Dopu à 50 ghjorna è più senza trasmissioni forti, un puntu di cuntaminazioni com’è quissu porta à matriculà, hà dittu u dirittori lli quistioni d’urgenza di l’OMS, mentri una cunfarenza di stampa.
L’urganisazioni dumanda à i paesa aurupeani chì ani riapartu i so fruntieri d’essa attenti à veru, di pettu à issu risicu d’un’altra affaccata llu siscu.
Cacciata a China, sò in crescita i casi in uni pochi di paesa, com’è a Nova Zilanda o l’Iranu.
Sur le même sujet
