Coronavirus et fermeture des écoles des communes limitrophes d'Aiacciu : Xavier Lacombe ne doute pas d’une décision de sagesse de l’État
Issu luni, i merri di i cumuni cunfinaghji d’Aiacciu ani dumandatu à u prifettu di chjuda stabilimenti sculari è ciucciaghji.L’eletti di a CAPA, di u Prunelli è di l’Ornanu si sò trovi cù u riprisintenti llu statu, ch’ùn hà datu accunsentu à a so dumanda.
I scoli di i cumuni cunfinaghji d’Aiacciu si fermani dunqua aparti issu marti.
Xavier Lacombe, u merri di Peri è vici prisidenti lla CAPA, dici ch’iddu ci voli à tutti conti ch’iddi sichini stesi issi chjudituri à l’intercumunalità cunfinaghji d’Aiacciu. Certi ziteddi, scularizati in i paesa, t’ani frateddi è sureddi più maiori scularizati in Aiacciu è cunfinati in casa soia. Fendu cusì, ci hè una circulazioni llu risicu.
Xavier Lacombe ùn hà dubbiti, par ciò chì tocca à u ghjudiziu d’una dicisioni di u statu, postu chì u prifettu devi dà un avvisu novu da quì à sta sera. Ma u merri di Peri ferma quantunca attenti è mubilizatu.
Stemu lu à senta.
