Le Direct

Coronavirus : Emmanuel Macron a annoncé que les élections municipales se dérouleront comme prévu

Era aspittatu issu ghjovi à sera u discorsu llu prisidenti lla ripublica francesa, emmanuel macron. Masimu ch’iddu cresci u pinseri à veru, cù u coronavirus chì si sparghji sempri di più.

À senta u prisidenti francesu ch’idd’hè « a crisa sanitaria a più greva à tuccà a francia dipoi un seculu ». Issu ghjovi, sò stati cuntati 600 casi di più in francia (pà un tutali di 2876) è 13 morti (pà un tutali di 61). In issu mentri, in Corsica, à sta sera, sò 64 i parsoni tocchi, è sò trè à essa morti.
Com’idda si hè fatta in Corsica, u prisidenti hà annunciatu ch’iddi sariani chjusi tutti i ciucciaghji, scoli, culleghji, licea è università lla francia.

In u so discorsu d’una meza ora liatu à l’epidemia di u coronavirus, hà dittu emmanuel macron ch’iddi sariani mantinuti, quantunca, l’alizzioni municipali duminica.

« Ci vurrà à essa attenti à veru à i gesti igienichi, è fà chì l’anziani ùn aspettini in i scagni di votu ».

«u scopu hè quiddu di mantena a cuntinuvità di a vita dimucratica » hà dittu u prisidenti francesu.