Core in Fronte soutient son militant, le professeur bastiais Gérard Dykstra, après sa garde à vue
U prufissori minacciatu di morti calchì sittimana fà in Bastia hè statu missu in guardia à vista, parvia d’una lagnanza sposta in u 2022 da i parenti chì l’avariani minacciatu.
Una lagnanza à mutivu di viulenzi vulintarii contru à u so fiddolu, elevu tandu d’issu prufissori.
U prufissori hè statu lintatu subitu, chì ùn si pudia tena in guardia à vista, parvia di a so saluta.
Hè statu intesu libaru, dopu.
U partitu Cori in Fronti, susteni via un cumunicatu issu prufissori chì hè di i so militanti attivi : Gérard Dykstra.
« Nimu pò accittà oghji di veda un insignanti amanittatu, dici Cori in Fronti chì si quistiunighja à nantu à i mutivazioni di u prucuratori Navarre, chì hà missu u prufissori in guardia à vista via issa prucidura.
Ùn si pò accittà, una pruvucazioni ghjudiziaria cumpagna », dici in chjudenda u partitu naziunalistu.
