Congrès des maires 2A : Jérôme Polverini était présent
(A redazzioni d'Alta Frequenza) - U cungressu di i merri di Corsica Suttana s’hè tinutu in fin di settimana scorsa à u Palazzu di i cungressi d’Aiacciu. « I ducumenti d’urbanisimu inde l’intercumunalità : una scala tarrituriali adattata ? », u nivellu era statu missu à un puntu assai altu pà issu novu cungressu chì accughjava eletti ghjunti da altri spondi di u Mediterraniu. Ind’u grandi disturbu inghjinnatu da a riforma di i cullettività tarrituriali, duppiata in Corsica da l’elaburazioni di u Padduc, i merri sò appena persi ind’u cumbugliu di i reguli chì si sriguleghjani, urganisazioni tarrituriali chì ci voli à riurganizà è pulitichi di sviluppu chì ci voli à sviluppà. S’è di a discussioni sorghji à spessu u lumi, pari chì issu cungressu avissi fattu spuntà parechji intarrugazioni è timori, inveci di risolva prublemi subbitu. Fidu à u so parlatu senza svianzi, Jérôme Polverini hà mandatu una vera fiacchina à iss’evuluzioni in corsu, eppuru ci participeghja pà i raghjoni ch’ellu ci spieca.
Écoutez le maire de Pianottoli et ancien conseiller exécutif de Corse.
