Conflit au CMPP 2B : les précisions de Michel Barat
(A redazzioni d'Alta Frequenza) - Mentri chì u cunflittu cuntinueghja ind'u centru medicali psicologicu pedagogicu è inde quillu d'azzioni medicali è suciali di Bastia, u rettori di Corsica riagisci ind'un cumunicatu. Rammintemi chì i parsunali sò in greva contr'à u prughjettu di carta sculari in Corsica Suprana, cù primi ritorni chì ammentani a suppressioni prugrammata di un postu di stututori spicializatu ind'u CMPP è di un antru ind'u CAMSP, ss'insignanti spicializati essendu privisti pà essa trasferiti inde altri stabulimenti. Michel Barat faci sapè ch'ellu hà "dicisu di mantena a previsioni di ritiru di trè missi à dispusizioni, ma di manera prugressiva, pà parmetta à ss'urganisimu d'essa in cunfurmità cù u quadru rigulamentariu attuali". U rettori d'accademia aghjusta infini chì, "di colpu, pà l'annata sculari 2014-2015, i trè missi à dispusizioni sarani mantinuti, postu chì a situazioni duvarà essa rigularizata à pocu à pocu à partasi di a riintrata 2015".
Sur le même sujet
