Conflit à La Poste: l'attente
(A redazzioni d'Alta Frequenza) - A CGT di La Poste hà pruvatu di manera simbolica d'uppona si à a partenza stasera (luni) di u Girolata pà Marseghja. Calchì decina di militanti si sò stallati un tempu annant'à i ringheri d'accessu à u battellu, senza diragnà malgradu tuttu l'intrata di i vitturi. L'uparazioni essendu stata prugrammata è annunziata in un cumunicatu, i forzi di l'ordini erani ben intesu guasgi numarosi quant'è i manifistanti, ciò chì hà parmissu forsa di limità i perturbazioni. A situazioni duvaria essa più difficiuli dumani matina à partasi di 9 ori cù l'uparazioni urganizata da u centru di Campu di l'Oru, fin'è a prifittura. A situazioni di a circulazioni essendu ingurgata à più pudè à ssu mumentu quì, ci pudemi dunqua aspittà pà una bella parti di a matinata à un cumbugliu tamantu pà entra è sorta d'Aiacciu. Rammintemi chì a CGT di La Poste hè intruta stamani ind'a so cinquesima sittimana di greva.
Sur le même sujet
