Conflit à l'ADPEP 2B : une première avancée
(A redazzioni d'Alta Frequenza) - Prima migliurazioni ind'u cunflittu chì hà principiatu marti ind'è i parsunali di l'associu dipartimintali dittu di i "pupilles" di l'insignamentu publicu di Corsica Suprana, l'ADPEP. Rammintemi chì ss'ultimi sò contr'à a suppressioni prugrammata di un postu di stututori spicializatu ind'u CMPP è di un antru ind'u CAMSP, ss'insignanti spicializati duvendu essa trasferiti inde altri stabulimenti. Arimani (vennari), una dilegazioni hè stata ricivuta da u direttori di cabinetu di u prifettu di Corsica Suprana. Dopu à ss'intrattenu, ss'ultimu hà annunziatu ch'ellu hà uttenutu un appuntamentu trà i parsunali di l'ADPEP di Corsica Suprana è u rettori d'accademia, privistu forsa pà u principiu di a sittimana chì veni.
Sur le même sujet
