Conférence de presse de l’intersyndicale des retraités à Ajaccio
Marti in Aiacciu, ci hè statu una cunfarenza di stampa di l’intersindicali di i ritirati.
In a carta di i so rivindicazioni, ci hè u cumbattu contru à a pulitica stralibarali di u guvernu, chì à i ritirati, ùn li cunsidarighja chè da variabili d’aghjustamentu bugitariu.
Issa situazioni hè ancu più pessima in Corsica, chì a vita ci hè più cara, è i misati più bassi.
Si hè parlatu dinò, mentri issa cunfarenza, di u statutu à vena di a Corsica. Dici l’intersindicali ch’idd’ùn ci n’hè cumpunenti suciali privisti in issu statutu, è tandu si pudaria ancu alluntanà l’idea di vutà « iè »par casu ch’iddu venga un rifarendu.
Tuttu hà da dipenda dunqua di a quistioni chì sarà posta, è di ciò ch’idda purtarà a legi à vena. Ma par avali, ùn sò cunvinti mancu stampa i sindicata. Ma calchì pruposta a facini quantunca.
L’intersindicali hà fattu un bilanciu beddu affannosu, par ciò chì tocca à l’avvena di i ritirati, masimu à liveddu llu puteri di comprita, di a saluta o di u sanitariu.
Steti à senta à Alex Gonzales, à nomu di a CGT di l’intersindicali.
