Conditions météorologiques défavorables vents violents et fortes vagues
(A redazzioni d'Alta Frequenza) - À partasi di issu sabbatu u 2 di farraghju, u dopu meziornu, a Corsica sarà tocca da un episodiu di venti viulenti chì duvaria durà fin'è dumenica à meziornu. Un ventu di settori à punenti, in principiu d'episodiu, eppo di settori nordu in fin di dopu meziornu di sabbatu hà da cuncirnà l'insemi di a Corsica Suttana, cù buffulati trà 120 è 130 chilometri par ora, frà altru nant'à u settori à meziornu di l'isula (Bunifaziu) fin'è Purtivechju, è nant'à i cresti. I venti pudarani andà fin'è 100 chilometri par ora in buffulati nant'à u latu à punenti di u dipartimentu. Iss'episodiu s'accumpagna di marosuli assai forti nant'à a costa uccidintali cù altezzi impurtnati drentu à i golfi (trà 3 è 4 metri). I settori più particularmenti sposti sò i golfi di Portu, Sagone, Aiacciu (Sanguinari, Ricantu, Sponda à meziornu), Figari è Bunifaziu. U ventu di settori nordu inghjinnarà dinò una calata di i timperaturi. Nivati sò pussibuli in mità di dopu meziornu à 1000 metri, eppo ind'u currenti di a notti di sabbatu à dumenica à 700 metri cù un ritornu di u cotru. Di pettu à issi cundizioni meteurulogichi, a prifittura di Corsica racumanda a più grandi prudenza.
Sur le même sujet
