Conditions météorologiques défavorables : risque neige et avalanche
(A redazzioni d'Alta Frequenza) - Météo France annunzia, pà l'ori à vena, un tempu ancu di più gattivu, cù acquati numarosi è nivati forti in Corsica Suttana. Ind'u dopu meziornu (luni), a limita acqua nevi hà da calà à 800 / 700 m. Duranti a notti, issa limita pudaria essa à 400 m, cù quantità di nevi da 1 à 5 cm. Rughjoni com'è Evisa è a bocca di Sevi pudariani essa tocchi particularmenti, ancu puru s'è tuttu u dipartimentu hè cuncirnatu da issi previsioni. Da nutà dinò chì u risicu di valanga hè di nivellu 4 nant'à l'insemi di i monti. Ci voli à sapè dinò chì i quantità di nevi dipoi u principiu di l'episodiu sò trà 30 è 40 cm nant'à u settori Verghju è 20 à 30 cm nant'à quillu di Vizzavona. Accumpagnati da un ventu forti à meziornu punenti, issi nivati inghjinnarani un cotru impurtanti cù pezzi di sottu più debbuli, pudendu sciappà à u passaghju di ghjenti cù i ski o fendu una spassighjata. L'affari pò parta subbitu. A più grandi prudenza è una vigilenza strema sò racumandati.
