Conditions météorologiques dans l'extrême-sud : l'heure est à l'accalmie
(A redazzioni d'Alta Frequenza) - U tempu s'hè calmatu da u cantu di u meziornu stremu di l'isula, dopu à l'acquati forti arrighjistrati dipoi arisera (marti). 200 mm d'acqua sò falati in 48 ori nant'à l'insemi di u rughjoni. Da u cantu di a strada, a strada naziunali 198 à u nivellu di Santa Lucia di Purtivechju hè oramai riaparta à a circulazioni, com'è quilla di Muratellu. A strada trà Arca è Palumbaghja hè sempri taghjata inveci. Parechji intarvinzioni sò stati rializati da i succorsi, caccendu parechji parsoni bluccati par via di a cullata di l'acqua ind'i so vitturi à maiò parti, certi cù un elicotteru. Da nutà chì ùn ci era più acqua sana nant'à una parti di u rughjoni di pettu à prublemi à u nivellu di l'Osu. Duvaria piova dinò ind'a sirata, ma di manera menu impurtanti. A più grandi prudenza hè racumandata torna una volta pà issi stradi.
Sur le même sujet
