Le Direct

Communauté de Communes Pasquale Paoli : le préfet de Haute-Corse rend exécutoire le budget 2022 défini par la Chambre Régionale des Comptes

Dopu à parichji mesa d’un chjama è rispondi invispitu, trà maiurità è uppusizioni lla cumunità di cumuni Pasquali Paoli, u prifettu llu Cismonti hà fattu a so scelta : u bughjettu lla cumunità pà u 2022 sarà quiddu prupostu da a camara righjunali di i conti.

À senta ni u prifettu llu Cismonti, u cunsigliu cumunitariu avia presu i misuri di currizzioni, ma a ghjuridizzioni finanziaria hà trovu ch’idd’ùn bastaiani.

U prifettu prega oramai chì a cumunità di cumuni Pasquali Paoli si posca sviluppà cù basi risanati, chì cusì pudarà assuma i so cumpitenzi, quiddi tradiziunali è quiddi novi.

L’idea di stabilizà u bughjettu lla colta arrichendu ci un pocu llu bughjettu ginirali, chì t’hà un supr’à più, ùn hè stata accittata. Eppuri, Cathy Tognetti, a prisidenti intirinali di a cumunità di cumuni, dici ch’idd’ùn si tratta d’una missa à l’ansciu di a stituzioni, postu ch’idda pò travaddà di manera serena. Rigreta quantunca a cunsiquenza prima d’issa dicisioni, vali à dì a bedda crescita di a cuntribuzioni lla pupulazioni à a colta di i rumenzuli.

Steti à senta à Cathy Cognetti

 

L’uppusizioni parla d’una missa à l’ansciu à l’usu Canada Dry, è ancu d’un disapprovu pà a maiurità, chì si devi metta à u travaddu.
L’uppusizioni dici ch’iddi sò dui anni chì l’abitanti è i cumircianti si piddani i matanghiddati fiscali, è spieca chì, par l’ultima volta, voli porghja a mani à a maiurità, da avvià lu insemi u travaddu.
Steti à senta à Pierre Olmeta, u merri di Bisinchi.