Le Direct

Communauté d'Agglomération de Bastia : les lignes de bus étendues jusqu'à Biguglia et Brando

Dipoi luni, i bus lla Cumunità d’Agglumirazioni Bastiaccia toccani uni pochi di cumuni ch’ùn ni facini parti.

Brandu i ritrova dopu à una mancanza di 5 anni, è Biguglia i scopri.

L’affari si hè pussutu fà via a signatura di cunvinzioni cù i dui cumuni, chì participighjani à liveddu suldarinu à a stesa di dui ligni : Bastia-Miomu da una parti, è Bastia-Furiani da quidd’altra.

Brandu è Biguglia t’avarani in sittimana un passaghju ugni mez’ora, è un pocu menu in duminicata. U prezzu sarà paru à quiddu di l’altri ligni.

Pà i dui cumuni, hè à veru un suddesfu d’avè un mezu di trasportu in cumunu cù Bastia.

Patrick Sanguinetti, u merri di Brandu, si filicitighja di veda rinascia issa ligna storica, chì sò cinqui anni ch’idda era rimpiazzata da un sirviziu pagatu da a cumuna.

Steti lu à senta.

 

Jean-Charles Giabiconi, u merri di Biguglia, parla di u intaressu – ancu à liveddu ecunomicu – di a ghjunta lli bus lla CAB à nantu à a so cumuna.
Par iddu, issa cullaburazioni pudaria tuccà altri sittori.

Steti lu à senta.