Communauté d'Agglomération de Bastia : le budget 2024 adopté, la majorité hausse le ton face à l'opposition
Luni, in cunsigliu cumunitariu, Louis Pozzo di Borgo, u prisidenti di a Cumunità d’Agglumirazioni Bastiaccia, si hè incristitu par difenda u bugettu primitivu llu 2024.
U bugettu di 55 miliona ni conta 16,2 pà i invistimenta, unu sciffru ch’hè in crescita è altu com’è mai à senta ni a CAB, aiutatu bè da a fini di u disavanzu di a sizzioni di i invistimenta.
Louis Pozzo di Borgo hà fattu rimarcà ch’iddu si trattaia d’un’uparazioni dilicata, parvia di a calata di i dutazioni di u statu è di a crescita di u costu llu trattamentu di i rumenzuli, presu in contu senza aiutà si cù a fiscalità.
Indittendu à Jean Zuccarelli è à Julien Morganti, i so uppunenti, Louis Pozzo di Borgo hà spiicatu chì dì chì a CAB finanza i so invistimenti arrimbendu si à a fiscalità hè bucia o malunestità intillituali, o allora mancu di travaddu.
Louis Pozzo di Borgo ùn voli ch’iddu li sichi appiccicatu un calculu alitturalistu, à issa vulintà di bluccà a fiscalità sinu à u 2027.
Steti lu à senta.
I trè eletti d’uppusizioni ùn l’ani vutatu, issu bugettu. Jean Zucarelli, chì a so visioni di l’affari fiscali sdici bè cù quidda di a maiurità, dici chì issu bugettu veni à cunsacrà u sclassamentu di Bastia è di a so agglumirazioni.
Steti à senta à Jean Zuccarelli.
Julien Morganti, par contu soiu, hà rimpruvaratu a so poca ambizioni à a maiurità cumunitaria.
Steti lu à senta.
Sur le même sujet
