Commission des lois en Corse : l'analyse de Valérie Bozzi
Dopu à a riunioni cù i riprisintanti di a cumissioni di i legi di l’assemblea francesa, ghjovi in Aiacciu, Valérie Bozzi, a coprisidenti di u gruppu « Un Soffiu Novu », hà datu u so parè.
« Aghju ramintatu a noscia dilibarazioni di u 5 di luddu, chì circa à fà lu effettivu u puteri d’adattà i legi di l’assemblea di Corsica, quand’iddi a nicissitighjani i nosci particularità.
Aghju pricisatu chì u nosciu gruppu voli, prima di tuttu, scantà ugni circa d’autodeterminazioni è mantena u solcu lighjislativu cumunu ».
Hà dittu l’eletta chì u intaressu purtatu da u guvernu è u parlamentu ci imponi di riescia.
« Com’è tanti eletti lucali, pensu chì cacciati i missioni rigaliani, ùn scantemu nudda capunanzi, mancu a pussibilità d’avè un puteri nurmativu in i duminii chì toccani à u cutidianu di i nosci cumpatriotti, è di manera cuntrullata », spieca a coprisidenti di Un Soffiu Novu, chì dici in chjudenda chì « u cmpu libarali, chì t’hà vucazioni à purtà l’altirnanza, devi participà di manera pricisa à a difinizioni di l’autunumia è di i mezi di a so missa in anda in Corsica ».
